Ağstafada yük qatarının vurması nəticəsində həlak olan şəxsin kimliyi məlum olub.
Bu barədə Bizim.Media-ya DİN-in Mətbuat Xidmətinin Gəncə regional qrupundan məlumat verilib.
MÖVZU İLƏ BAĞLI:
Ağstafada qatar bir nəfəri vurub
"Gəncə Dəmiryolu Xətt Polis Şöbəsinin Ağstafa Xətt Polis Bölməsinə bir nəfərin qatar vurması barədə məlumat daxil olub.
Dərhal Gəncə Xətt Polis Şöbəsinin və Ağstafa Rayon Prokurorluğunun əməkdaşları hadisə yerinə gələrək müvafiq araşdırmalar aparıb.
İlkin araşdırmalar nəticəsində yük qatarının Ağstafa rayon sakini 2009-cu il təvəllüdlü Elşən Bayramovu vuraraq öldürməsi məlum olub. Hazırda Rayon prokurorluğunda hadisənin baş vermə səbəbləri araşdırılır", - deyə məlumatda qeyd edilib.
Bizim.Media
