Xəbər verdiyimiz kimi, Vüqar Mustafayev Azərbaycanda müdafiə sənayesi nazirinin müavini vəzifəsinə təyinat olub.
Bizim.Media yeni nazir müavininin dosyesini təqdim edir:
Vüqar Valeh oğlu Mustafayev 1986-cı ildə Bakıda anadan olub.
O, 2004-2008-ci illərdə Prezident yanında Dövlət İdarəçilik Akademiyasında "Mühəndis iqtisadiyyatı və idarəetmə" (Menecment) ixtisası üzrə bakalavr, 2010-2013-cü illərdə isə Xəzər Universitetində "Maliyyə və kredit" ixtisası üzrə magistr təhsili alıb, “Biznesin idarə edilməsi" (MBA) dərəcəsi əldə edib.
MÖVZU İLƏ BAĞLI:
Mədət Quliyevə yeni müavin TƏYİN OLUNDU - FOTO
V.Mustafayev əmək fəaliyyətinə 2006-2008-ci illərdə müxtəlif şirkətlərdə Təlim Koordinatoru, maliyyə və mühasibatlıq üzrə mütəxəssis işləməklə başlayıb, 2009-2012-ci illərdə “Ernst & Young" beynəlxalq audit şirkətində baş mütəxəssis, 2012-2014-cü illərdə "Azerfon" MMC-də Daxili audit departamentinin direktoru kimi fəalliyyət göstərib.
Yeni nazir müavini 2014-2022-ci illərdə isə "PAŞA Holdinq" MMC və ona daxil olan şirkətlərdə müxtəlif vəzifələrdə çalışıb, o cümlədən "PAŞA Sığorta" və "PAŞA Həyat Sığorta" ASC-lərin Təftiş Komissiyalarının sədri olub.
Bizim.Media
