İşğaldan azad edilmiş ərazilərə qayıdış davam edir. Bu günlərdə bir qrup sakin Tərtər rayonunun Talış kəndinə köçürülüb.
Bizim.Media xəbər verir ki, bu kənddə qısa vaxt ərzində yollar çəkilib, evlər, məktəb binası, uşaq bağçası, inzibati bina inşa edilib.
MÖVZU İLƏ BAĞLI:
Prezident və xanımının Talış kəndi sakinləri ilə səmimi söhbətindən GÖRÜNTÜLƏR - VİDEO
Hər evin həyətyanı ərazisində əsaslı landşaft işləri görülüb, fərdi əkin sahələri yaradılıb və təsərrüfat anbarları inşa edilib. Bütün evlərin köhnə hasarları sökülüb, əvəzində yenisi tikilib. Evlərin daxili kommunikasiya xətləri yenidən qurulub.
Prezident İlham Əliyev, Birinci xanım Mehriban Əliyeva və qızları Arzu Əliyeva kəndə yeni köçürülən sakinlərlə görüşüb, onların evinə baş çəkərək həmsöhbət olublar. İndi sakinlər yeni evlərində bayramı qarşılamağın sevincini, həm də dövlət başçısı ilə görüşün fərəhini yaşayırlar.
Yeni salınmış evlərdə doğma ocağına qayıdan sakinlər üçün bütün rahatlıq təmin olunub. Kənddə müasir infrastruktur yaradılıb.
Talış kəndinin ilk sakinləridən biri də Eyyub Əkbərovdur. O bildirir ki, bu kənddən çıxanda 30 yaşı olub, indi isə doğma ocağındadır.
Kənd ağsaqqalı olaraq öz evində dövlət başçısı ilə söhbət edib.
Qeyd edək ki, Talış kəndinə ilkin mərhələdə Bakı, Bərdə, Tərtər, Samux və Goranboyda əsasən ağır şəraitdə, qəzalı vəziyyətdə olan müvəqqəti məskunlaşma yerlərində yaşayan 20 ailə köçürülüb. Növbəti mərhələdə burada daha 178 ev tikiləcək.
Mövzu ilə bağlı daha ətraflı videomaterialda:
Bizim.Media
