Aqaəli Cəlilova Şəki Regional Mədəniyyət İdarəsinin rəisi vəzifəsi üzrə əmək funksiyalarının icrası müvəqqəti həvalə edilib. Bu barədə Mədəniyyət nazirinin birinci müavini, nazir vəzifəsini icra edən Adil Kərimli əmr imzalayıb.
Bizim.Media-nın yerli bürosu xəbər verir ki, Aqaəli Cəlilov əmək fəaliyyətinə 1984-cü ildən Turan qəsəbə Mədəniyyət Evində metodist kimi başlayıb.
O, 2014-cü ildən M.F.Axundzadə adına Şəki Mədəniyyət Mərkəzinin direktoru kimi fəaliyyət göstərib.
61 yaşlı Aqaəli Cəlilov Azərbaycan Dövlət İncəsənət İnstitutunun məzunudur.
Tural Rasim oğlu, Bizim.Media, Şimal-Qərb bürosu
