Paytaxtın Nəsimi rayonunda 2 nəfərin odlu silahdan açılan atəşdən yaralanması ilə bağlı polisə məlumat daxil olub.
Bu barədə Bizim.Media-ya DİN-in mətbuat xidmətindən verilən açıqlamada bildirilib.
MÖVZU İLƏ BAĞLI:
Bakıda atışma olub, xəsarət alanlar var – VİDEO
Məlumatda qeyd olunur ki, hadisə yerinə polis əməkdaşları cəlb edilib:
“Araşdırma aparılır. Əlavə məlumat veriləcək”.
Qeyd edək ki, Bakıda bu gün silahlı insident olub. Hadisə nəticəsində 2 nəfər yaralanıb.
Silahlı insident Bakı Dövlət Sirkinin yaxınlığında - paytaxtın Nəsimi rayonu, Səməd Vurğun küçəsində qeydə alınıb. Olay yerinə əməliyyat qrupu cəlb edilib.
Hadisədə xəsarət alanlar - 2002-ci il təvəllüdlü Fəqan Rəhimli, 1983-cü təvəllüdlü Tamerlan Hüseynovdur.
Bizim.Media
