“İnsan hüquqlarını ən çox pozan dövlət orqanlarının adları açıqlansın” – Zahid Orucdan TƏKLİF

Hazırda oxunan: “İnsan hüquqlarını ən çox pozan dövlət orqanlarının adları açıqlansın” – Zahid Orucdan TƏKLİF

124203

“Ombudsmanın məruzəsində ən çox insan hüquqlarını pozan hökumət orqanlarının adlarının verilməsi vacibdir”.

Bizim.Media xəbər verir ki, bu fikirləri Milli Məclisin bu gün keçirilən plenar iclasında İnsan hüquqları komitəsinin sədri Zahid Oruc səsləndirib.

“Çünki Konstitusiya Qanunun 14.2-ci maddəsinə əsasən Müvəkkil “İllik məruzədə insan hüquqlarını pozan, Müvəkkilin tələbləri ilə hesablaşmayan dövlət və yerli özünüidarə orqanlarının, vəzifəli şəxslərin adlarını çəkir və bununla əlaqədar görülən tədbirlər barədə məlumat verir”.
Şikayətlərin hansı dövlət orqanlarını əhatə etməsi və onların xarakterinin ümumiləşdirilməsi, regional ofislər və onların fəaliyyəti barədə məlumatların genişləndirilməsi, hüquq və azadlıqlar üzrə indekslərin yaradılması məqsədəuyğun olar”, - deyə deputat əlavə edib.

Murad Əhmədov, Bizim.Media