Ucarda xəsarətlə nəticələnən ağır yol qəzası baş verib.
Bizim.Media-nın Aran bürosu xəbər verir ki, hadisə Bakı-Qazax yolunun rayonun Qarabörk kəndindən keçən hissəsində qeydə alınıb.
Belə ki, "Mercedes" və " Hyundai" markalı minik maşınları toqquşub.
Qəza zamanı "Hyundai" markalı avtomaşın yoldan çıxaraq su arxına aşıb. Nəticədə 7 nəfər müxtəlif dərəcəli bədən xəsarətləri alıblar.
Yaralılar dərhal təcili tibbi yardım maşınının köməyi ilə Ucar Mərkəzi Rayon Xəstəxanasına aparılıblar.
Faktla bağlı araşdırma aparılır.
Aqil Əsədov, Bizim.Media, Aran bürosu
