“Tahir Kərimlinin oğlu, yaxınları işsizdir” – Deputat köməkçisindən MÜRACİƏT 

Vəhdət partiyasının sədri, millət vəkili Tahir Kərimlinin köməkçisi Kənan Kərimov deputatın seçicilərinə müraciət edib. 

Bizim.Media xəbər verir ki, müraciət Tahir Kərimlinin sosial şəbəkə hesabında yayımlanıb. 

Qeyd olunub ki, Deputat Tahir Kərimlinin ünvanına hər gün vətəndaşların xeyli sayda  yazılı və elektron ərizəsi, habelə sosial şəbəkə üzərindən  işə qəbul, xəstəliyin müalicəsi, məhkəmə və mühafizə orqanlarında baxılan işlər, əlilliyin təyini, təhsil haqqı, maddi yardım və sair işlərlə bağlı müraciətlər daxil olur: 

“Deputat vətəndaş və seçicilərin problemləri ilə bağlı məsələləri Plenar və Komitə iclaslarında qaldırmaqla yanaşı konkret həlli istiqamətində mümkün olanı edir. 

Lakin bildirməliyik ki, deputatın oğlu, yaxınları da işsizdir və əmək haqqından başqa gəlirləri yoxdur. Odur ki, Tahir Kərimlinin kiməsə şəxsi xahiş etməsi barədə müraciət edilməməsi tövsiyyə olunur”. 

Murad Əhmədov, Bizim.Media