Zəlzələ bölgəsindən 23 şagird Bakı məktəblərində təhsilə CƏLB OLUNDU

Türkiyəli şagirdlər Bakıda təhsil alacaq.

Bizim.Media xəbər verir ki, Türkiyədə baş verən zəlzələdən sonra təhsildən kənarda qalan şagirdlərdən Azərbaycana gətirilərək təhsilə cəlb edilənlər var.

Belə ki, məktəb yaşlı uşaqlar ölkəmizdəki Türkiyə məktəblərində təhsil alacaqlar.

Bakı Atatürk Liseyindən Bizim.Media-ya verilən xəbərə görə, artıq bir qrup şagird məktəbə qəbul edilib: 

“Şagirdlər məktəbə imtahan verdikdən sonra qəbul olunur. Bir qisim şagird artıq qəbul olunub. Proses davam edir. Hələ ki, dəqiq say deyə bilmərik”.

Qeyd edək ki, gətirilən şagirdlərdən Bakı Türk Anadolu Liseyinə qəbul olunanlar da var.

Bizim.Media