Dövlət qulluqçularının başqa vəzifəyə təyin edilməsi ilə bağlı YENİ QAYDA 

Dövlət qulluqçularının başqa vəzifəyə təyin edilməsi (rotasiyası) qaydasında dəyişiklik edilib. 

Bizim.Media xəbər verir ki, Milli Məclisin plenar iclasının gündəliyinə daxil edilən “Dövlət qulluğu haqqında” qanuna bununla bağlı yeni - 31-1-ci maddənin (Dövlət qulluqçusunun rotasiyası) əlavə edilməsi təklif olunub. 

Layihəyə əsasən, dövlət qulluqçusunun rotasiyası onun qulluq keçdiyi orqanın rəhbərinin qərarı ilə müvafiq icra hakimiyyəti orqanının müəyyən etdiyi orqanın (qurumun) müəyyən etdiyi qaydada həyata keçiriləcək. 

Həmin qaydada siyahısı müəyyən edilən dövlət qulluqçuları rotasiya qaydasında başqa vəzifəyə təyin edilərkən onun qulluq keçdiyi inzibati vəzifənin təsnifatı, ixtisası, xidməti fəaliyyətinin qiymətləndirilməsinin nəticəsi, qulluq stajı, habelə yaşı, ailə və sağlamlıq vəziyyəti nəzərə alınacaq. 
Müvafiq vəzifədə 5 ildən az qulluq keçən dövlət qulluqçuları rotasiya olunmayacaq. Layihə səsverməyə çıxarılaraq III oxunuşda qəbul edilib. 

Murad Əhmədov, Bizim.Media