Xaçmazda baş verən qəzada həlak olan şəxsin kimliyi MƏLUM OLDU - YENİLƏNİB

Hazırda oxunan: Xaçmazda baş verən qəzada həlak olan şəxsin kimliyi MƏLUM OLDU - YENİLƏNİB

118487

Xaçmaz rayonunda qəzada ölən 61 yaşlı piyadanın şəxsiyyəti məlum olub.

Bizim.Media-nın Şimal bürosunun əldə etdiyi məlumata görə, Xaçmaz rayonunun Çarxı kənd sakini Rahid Dadaşbala oğlu Cəfərov Vaz-2106 markalı avtomobillə vurulub.

Avtomobilin sürücüsü piyadanı özü avtomaşını ilə xəstəxanaya çatdırsa da piyada yolda keçinib.

Faktı Baş Dövlət Yol Polisi İdarəsinin istintaq və təhqiqat şöbəsi araşdırır.

*** 21:03

Xaçmazda ölümlə nəticələnən yol qəzası qeydə alınıb.

Bizim.Media-nın yerli bürosu xəbər verir ki, hadisə Gəndab-Yalama yolunun Xaçmazın Çarxı kəndindən keçən hissəsində qeydə alınıb.

Hələlik məlum olmayan avtomobillə 61 yaşlı kişi piyada vurulub, o, yerindəcə ölüb.

Mərhumun meyiti Məhkəmə Tibbi Ekspertizası və Patoloji Anatomiya Birliyinin Xaçmaz rayon şöbəsinə gətirilib. Qəza ilə bağlı araşdırma başlanılıb.

Aytəkin Alxaslı, Bizim.Media, Şimal bürosu