Azərbaycanın Tehrandakı səfirliyinə qarşı törədilən terror aktı zamanı yaralanan səfirlik əməkdaşlarının vəziyyətləri yaxşıdır.
Bu barədə Bizim.Media-ya Xarici İşlər Nazirliyinin mətbuat katibi Ayxan Hacızadə bildirib.
MÖVZU İLƏ BAĞLI:
İrandakı səfirliyimizə qarşı törədilmiş terror aktının qarşısını alan şəxslər təltif edildi - SƏRƏNCAM
O, terror aktının qarşısının alınmasında xəsarət almış Vasif Natiq oğlu Tağıyevin və Mahir Kamil oğlu İmanovun xəstəxanadan evə buraxılacaqları barədə məlumatsız olduğunu qeyd edib.
Xatırladaq ki, yaralanan şəxslər, şəhid Orxan Əsgərovun cənazəsi və səfirliyin təxliyə olunan əməkdaşları yanvarın 29-da Bakıya təxliyə olunublar.
Onu da qeyd edək ki, Prezident İlham Əliyev Azərbaycan Respublikasının İran İslam Respublikasındakı Səfirliyinə qarşı törədilmiş terror aktının qarşısının alınmasında iştirak etmiş şəxsləri təltif edib.
Vasif Tağıyev 1-ci dərəcəli “Rəşadət” ordeni, Mahir İmanov və Orxan Əsgərov (ölümündən sonra) isə “Vətən uğrunda” medalı ilə təltif olunublar.
Alçina Amilqızı, Bizim.Media
