Ləğv edilmiş Dövlət Torpaq və Xəritəçəkmə Komitəsinin Dövlət Yerquruluşu Layihə İnstitutu və Dövlət Torpaq Kadastrı və Monitorinqinin 300 işçisi tərəfindən Moderator.az - a aşağıdakı məzmunda məktub daxil olub:
"Azərbaycan Respublikasının Prezidentinin 5 fevral 2015-ci il tarixli 453 nömrəli fərmanına əsasən Dövlət Torpqaq və Xəritəçəkmə Komitəsi (DTXK) ləğv edilmişdir. DTXK-nın tabeliyində olan "Dövlət Yerquruluşu Layihə İnstitutu" və "Dövlət Torpaq Kadastr və Monitorinqi Elm İstehsalat Mərkəzi" Əmlak Məsələləri Dövlət Komitəsinin (ƏMDK) sədri Kərəm Həsənovun 12 may 2015-ci il tarixli 150 nömrəli sərəncam ilə ləğv olunmuşdur. 21 May tarixindən Layihə institutu və Kadastr Mərkəzinin işçiləri işdən azad olunmuşdur.
Buna baxmayaraq ƏMDK-i tərəfindən işçilərə veriləcək müavinətlər bugünə kimi ödənilməmişdir. İşçilərin müavinətlərinin verilməməsinə görə və hələdə işsiz olduqlarına görə komunal xərclərin ödənilməsində böyük problemlər yaranmışdır.
Müavinətlərlə bağlı ƏMDK-ə müraciət edildikdə Maliyyə Naz zirliyi tərəfindən vəsaitin ayrılmadığını səbəb kimi göstərirlər. Maliyyə Nazirliyi ilə əlaqə saxlanıldıqda isə onlara ƏMDK-i tərəfindən heç bir vəsait tələbinə dair sənəd gəlmədiyini söyləyirlər. Müavinətlərin ödənilməsi üçün bu şikatəti işıqlandırılmasını Sizdən xahiş edirik".
