“Kimi vəzifədən çıxarırlarsa, qarajında külli miqdarda vəsait tapılır” – Sabir Rüstəmxanlı 

“Cinayət yolu ilə əldə edilmiş əmlak məsələsi vətəndaşa aid deyil. Buna daha çox vəzifəli şəxslərin timsalında şahidlik edirik”.

Bizim.Media xəbər verir ki, bu fikirləri Milli Məclisin bu gün keçirilən plenar iclasında milət vəkili Sabir Rüstəmxanlı səsləndirib.

“Kimi vəzifədən çıxarırlarsa, onun ya otağından, ya qarajından külli miqdarda vəsait çıxır, yaxud da xarici ölkələrdə əmlaklarının olduğu aşkarlanır.

Bunu edənlər vəzifəli şəxslərdir. Vəzifəli şəxslərin gəlirlərinin aşkarlanması ilə bağlı qanunun qəbul edilməsinin vaxtı çatıb. Dünyanın bir sıra ölkələrində bu təcrübə var. Bu tip məsələlərin qarşısının alınması üçün vəzifəli şəxslərin gəlirlərinin şəffaflaşdırılması məsələsi öz həlli tapılmalıdır”, - deyə deputat əlavə edib.

Murad Əhmədov, Bizim.Media