“Bu gün Bakı-Gəncə-Bakı sürətli sərnişin qatarında gördüyüm mənzərə çox təəssüfedici bir haldır. Qatarda biznes klass sinifində ayaqyolu işləmirdi. Təsəvvür edirsiniz, yol getdiyiniz 3 saat 45 dəqiqə ərzində başqa ekonom vaqonlara getməli olursan. Orada da çox böyük növbə olur. Qatarda çalışan bələdçilər isə biznes klass vaqonda suyun olmadığını bəhanə gətirirlər.
Hesab edirəm ki, “Azərbaycan Dəmir Yolları” QSC sözü gedən marşruta sərnişinləri cəlb etmək üçün bu kimi hallara qarşı diqqətli olmalıdır”.
Bu açıqlamanı Bizim.Media-nın yerli bürosuna millət vəkili Müşfiq Cəfərov verib.
MÖVZU İLƏ BAĞLI:
Bakı-Gəncə sərnişin qatarına onlayn bilet SATIŞI DAYANDIRILDI
Onun sözlərinə görə, istər ekonom, istərsə də digər yüksək klass vaqonlarda əhali gediş haqqı üçün müəyyən vəsait ödəyir:
“Onlara lazım olan şəraiti yaratmaq cavabdeh təşkilatın borcudur”.
Millət vəkili qeyd edib ki, bu kimi halların baş verməməsi üçün qatar xəttə buraxılmazdan öncə belə məsələləri həll etməlidirlər.
Məqsəd Rəhimov, Bizim.Media, Qərb Bürosu
