Qubada Vətən Müharibəsi iştirakçısı Heybətqulu Əkbərovun toy şənliyində rayon rəhbərliyi və YAP-ın rayon təşkilatının sədri, ictimaiyyət nümayəndələri iştirak ediblər.
Bizim.Media-nın yerli bürosu xəbər verir ki, Quba İcra Hakimiyyətinin başçısı Ziyəddin Əliyev həm öz adından, həm də İH-nin kollektivi adından yeni ailə quran cütlüyü təbrik edib.
Onlara ailə səadəti arzulayıb.
İcra başçısı Vətən Müharibəsində şərəflə döyüşən Heybətqulu Əkbərovun yaşlı babası ilə rəqs edib.
Səfərbərlik və Hərbi Xidmətə Çağırış üzrə Dövlət Xidmətinin Quba rayon şöbəsinin rəisi Sadiq Əliyev də rəqs edənlər sırasında olub.
Müharibə iştirakçısının toyunda qazilər, keçmiş döyüşçülər də fəal iştirak ediblər.
Aytəkin Alxaslı, Bizim.Media, Şimal bürosu
