18 şəhidin məzarı Yasamaldakı Şəhidlər Xiyabanına köçürüldü - FOTO

Son günlər böyük müzakirələrə səbəb olan ümumşəhər qəbristanlığında dəfn edilmiş 18 şəhidinin məzarı Yasamal rayonundakı Şəhidlər Xiyabanına köçürülüb.

Bizim.Media xəbər verir ki, bu barədə məlumat sosial şəbəkələrdə yayılıb. Məzarların köçürülməsi prosesi din xadimlərinin və şəhidlərin yaxınları və rəsmi şəxslərin iştirakı ilə icra edilib.

Məzarların daxilində hər hansı su axıntısı və sızıntısı müşahidə edilməyib.

Qeyd edək ki, məzarların yerinin dəyişdirilməsi ilə bağlı şəhid ailələrinin müraciətləri onların iştirakı ilə ətraflı araşdırılıb, yaranmış problemin optimal həll yolu müəyyən edilib.

Xatırladaq ki, son günlər sosial şəbəkələrdə şəhidlərin dəfn olunması üçün seçilən yerlərin onların adına layiq olmaması tənqid edilirdi.

Bizim.Media