Şərqi Zəngəzur İqtisadi Rayonunda 1 saylı Bərpa, Tikinti və İdarəetmə Xidmətinin İctimaiyyətlə əlaqələr şöbəsinə müdir təyin edilib.
Bizim.Media xəbər verir ki, bu vəzifəyə İlhamiyyə Rza təyin olunub.
O, bundan əvvəl bir sıra televiziya kanallarında çalışıb.
Yeni təyinatla bağlı Bizim.Media-ya açıqlama verən İ.Rza bildirib ki, yaxın günlərdə yeni işinə başlayacaq:
“Tez bir zamanda işimə başlayacam”.
Yeni təyinatdan sonra televiziyadan uzaq qalmayacağını söyləyən aparıcı gələcək fəaliyyəti ilə bağlı isə bunları deyib:
“Televiziya aləmindən uzaq qalmayacağam. Hazırda aparıcısı olduğum “Günün ortası” ictimai-siyasi verilişindəki işimi davam etdirəcəyəm. İstiqamət olaraq hər iki iş eyni istiqamətlidir. Bundan sonra həm televiziyada, həm də yeni təyinatımla bağlı işlərimi davam etdirəcəyəm. Öhdəsindən gələcəyimə inanıram”.
Bizim.Media
