Türkiyədə baş vermiş zəlzələ qurbanlarına görə elan edilən 7 günlük Milli Matəmlə əlaqədar Türk Dövlətləri Təşkilatının (TDT) Macarıstandakı mənzil-qərargahındakı bayraqlar yarıya endirilib.
Bu barədə məlumat TDT-nin rəsmi saytında dərc edilib.
Qeyd olunub ki, Qərargahda yerləşən bütün üzv və müşahidəçi dövlətlərin bayraqları yarıya qədər endirilib.
“Qardaş Türkiyənin xalqı və rəhbərliyi ilə hər zaman həmrəy olan TDT bir daha türk xalqına başsağlığı verir, həyatını itirənlərə Allahdan rəhmət, yaralananlara isə şəfa diləyir” – deyə təşkilat qeyd edib.
Xatırladaq ki, bu ilin 6 fevralında Türkiyənin cənub-şərqində bir çox əraziləri əhatə edən dağıdıcı zəlzələ və sonradan təkrar təkanlar səbəbi ilə həlak olanların xatirəsinə ölkədə 7 günlük milli matəm elan edilib.
