Bu gün UEFA Çempionlar Liqasında ikinci təsnifat mərhələsinin cavab oyunlarına start verilib. Bizim.Media xəbər verir ki Azərbaycan çempionu “Qarabağ” da meydana çıxıb.  Ağdam klubu Bakıda Cəbəllütariq “Linkoln”u ilə üz-üzə gəlib və 5:0 hesablı qələbə ilə növbəti mərhələyə yüksəlib. Olavio Juninyo oyunda het-trik edib. İlk görüşdə Qurban Qurbanovun komandası səfərdə 2:0 hesablı qələbə qazanmışdı.  "Qarabağ" bu gün mərhələni keçməklə ən azı Konfrans Liqasının qrup mərhələsini təmin edib. "Qarabağ" üçüncü turda “Ludoqorest” (Bolqarıstan) - “Dinamo” (Minsk, Belarus) cütünün qalibi ilə qarşılaşacaq.  ...