Bu gün Gürcüstanın paytaxtı Tbilisidə Azərbaycan və Ermənistan xarici işlər nazirləri arasında ikitərəfli görüş keçirilib.
Xarici İşlər Nazirliyindən Bizim.Media-ya bildirilib ki, nazirlər Azərbaycan və Ermənistan arasında münasibətlərin normallaşması ilə bağlı bir sıra məsələlərə toxunublar.
Bununla bağlı, hər iki tərəf götürdükləri öhdəliklərin icrasını müzakirə edib, gələcək mümkün addımlar barədə fikir mübadiləsi aparıblar.
Nazir Ceyhun Bayramov qeyd edib ki, bütün səylər iki dövlət arasında silahlı münaqişənin həllindən sonra yaranmış post-münaqişə reallıqları əsasında Azərbaycan və Ermənistan arasında dövlətlərarası münasibətlərin tənzimlənməsində irəliləyiş əldə olunmasına yönəldilməlidir.
Bu kontekstdə Azərbaycan, Ermənistan və Rusiya liderləri tərəfindən imzalanmış Üçtərəfli Bəyanatların bütün müddəalarının icrasının, xüsusilə Ermənistan silahlı qüvvələrinin Azərbaycan ərazisindən çıxarılmasının zəruriliyi vurğulanıb.
Humanitar məsələlərə toxunan nazir Ceyhun Bayramov 4000-ə yaxın itkin düşmüş azərbaycanlının taleyinə aydınlıq gətirilməsinin vacibliyini diqqətə çatdırıb.
Nazirlər Azərbaycan və Ermənistan arasında birbaşa dialoqun davam etdirilməsinə əhəmiyyət verdiklərini vurğulayıblar.
Hər iki nazir görüşün Gürcüstanda təşkilinə görə, gürcü tərəfinə minnətdarlıqlarını bildiriblər.
Bizim.Media
![Ceyhun Bayramov Tbilisidə Mirzoyanla BU MƏSƏLƏLƏRİ MÜZAKİRƏ ETDİ Ceyhun Bayramov Tbilisidə Mirzoyanla BU MƏSƏLƏLƏRİ MÜZAKİRƏ ETDİ](https://bizim.media/file/articles/2022/07/16/1657988411_16579631855204345187_1000x669.jpg)
- A-
- A
- A+
Siyasət
20:12 / 16.07.2022
Ceyhun Bayramov Tbilisidə Mirzoyanla BU MƏSƏLƏLƏRİ MÜZAKİRƏ ETDİ
Hazırda oxunan: Ceyhun Bayramov Tbilisidə Mirzoyanla BU MƏSƏLƏLƏRİ MÜZAKİRƏ ETDİ
Hazırda oxunan: Ceyhun Bayramov Tbilisidə Mirzoyanla BU MƏSƏLƏLƏRİ MÜZAKİRƏ ETDİ
84017
© Materiallardan istifadə edərkən hiperlinklə istinad olunmalıdır.
Mətndə səhv varsa, onu qeyd edib ctrl + enter düyməsini basaraq bizə göndərin.
Mətndə səhv varsa, onu qeyd edib ctrl + enter düyməsini basaraq bizə göndərin.