Baş prokurorun keçmiş müavini, keçmiş millət vəkili və Sosial Ədalət Partiyasının sədri Mətləb Mütəllimli Moderator.az-a "mehriban düşmənlər" haqqında bir müəllif yazısı göndərib və onu olduğu kimi oxuculara təqdim etməyimizi istəyib:
Yad Qardaşlar...
(Əqidə-bu ağlın vicdanıdır. N.Şamfor, fransız yazıçısı.)
Cəmiyyətdə müsbət-mənfi imiclə tanınan bəzi siyasi yönlü qardaşlar haqqında çoxdan nəsə yazmağı düşünürdüm. Yenicə həbsdən çıxmış siyasi məhbus Qurban Məmmədovla görüşdükdən sonra isə bu yazını tezləşdirmək qərarına gəldim. Doğma qardaşı ilə əqidəcə düşmən olan birisi xalqa xeyir verə bilərmi? Görəsən, kim əqidəsini qardaşdan üstün tutur, kim şəxsi mənafeyini? Əlbəttə, burada yazılanlar mənim subyektiv fikirlərimdir və heç kəsi aşağılamaq mənasında başa düşülməməli, eləcə də, yersiz isterikaya səbəb olmamalıdır. Beləliklə, siyasətçilər, lakin əqidəcə yad qardaşlar:
Sərdar Cəlaloğlu-Qurban Məmmədov; Zərdüşt Əlizadə-Araz Əlizadə; Rüstəmxanlı qardaşları; Qənimət Zahid- Mirzə Sakit.
Elə əlifba sırası ilə başlayaq Qurban Məmmədov-Sərdar Cəlaloğlu qardaşlarından.
Qurban Məmmədov
Q. Məmmədov 3 dəfə, üst-üstə 8 il həbsxana həyatı yaşayıb. Savadlı, yüksək intellektə, natiqlik qabiliyyətinə malik şəxsiyyətdir. Əslinə qalsa, Qurban bəy bir hüquqşunas kimi 15-ci il Baş prokuror olan Zakir Qaralovdan da, 19 il Vəkillər Kollegiyasının sədri, ölkədə seçkiləri kütləvi saxtalaşdırmaqda peşəkar səviyyəyə qalxmış Mərkəzi Seçki Komissiyassının fəal üzvü Azər Tağıyevdən də, 20 ildən artıq daxili işlər naziri olan Ramil Usubovdan da çox millətinə ürəyi yanan, xalqının xoş gələcəyini düşünən insandır. Sadəcə, onun bir “eyibi”x9d vardır ”“ öz mənafeyi naminə rejimlərə yaltaqlanmağı şəxsiyyətinə sığışdırmır, haqqı nahaqqa vermir, ədalətli cəmiyyəti və ədalətli yaşamağı hər şeydən üstün tutur. Qurban bəy bizim ölkədə çox az hüquqşunaslardandır ki, Milli Azadlıq Hərəkatında fəal iştirak etmiş, cəsarətli mövqeyi ilə həmişə başqalarından seçilmiş, dəfələrlə şərlənədək həbs edilsə də bu günə qədər əqidəsindən dönməmişdir.
Qurban bəyin son həbsini xatırlayıram. O, həbs ediləndən bir neçə gün sonra biz, bir neçə hüquqşunas, onun ailəsinə təsəlli vermək üçün evinə getdik. Bu çox ağır məqamda belə onun həyat yoldaşı əsl inqilabçı xanımı kimi təmkinini pozmadan qonaqları ehtiramla qarşıladı, ”x9dBiz buna öyrəşmişik, artıq bu Qurban bəyin 3-cü həbsidir”x9d dedi və sonra da “ Valideyinləri əbəs yerə onun adını Qurban qoymayıb ki, onu xalqına qurban veriblər”x9d dedi.
Əlbəttə, Allahdan başqa hamının nöqsanı vardır və Qurban bəy də nöqsanlardan xali deyildir. Əks tərəfdarlarının fikrlərinə görə, Qurban bəyin də siyasi tərcümeyi halında müəyyən səhvlər olmuşdur və buna bir misal kimi, 2003-cü il prezident seçkilərindəki çıxışları, prezidentliyə namizəd E. Məmmədovun fəaliyyətini həddindən artıq şişirtməsini göstərirlər. O vaxtlar E.Məmmədovun vəkili Qurban bəy izdiham qarşısında odlu-alovlu çıxış edərək namizədi o qədər yağlı təriflərə qərq edirdi ki, sanki xalqın xilaskarı ancaq və ancaq Etibar bəy ola bilərdi və guya “İşıqlı gələcək-Etibarla gələcək.”x9d Hətta o vaxt natiqin tribunada arxada dayanan namizədə xitabən “Cənab prezident, bağışlayın ki, arxada dayanmısınız, mən də sizdən qabaqda durub çıxış edirəm”x9d deməsi də bizim küyə gedən insanlar tərəfindən böyük coşqu ilə qarşılandı. O hadisələrin üstündən 11 il keçəndən sonra, indi əyri yazılan tarix bir daha sübut etdi ki, Qurban bəy fikirlərində necə də yanılırmış. 25 il bundan öncə Lefortovo həbsxanasında yatan və az qala xalqın milli qəhrəmanına çevrilən, 1992-1993-cü illərdə Əbülfəz Elçibəyin bir illik hakimiyyət rəhbərlərinin əllərinin qana batdığını iddia edərək hər addımda onları istefaya çağıran, gecə-gündüz meydan sulayan Etibar Məmmədov indi sanki qeybə çəkilmişdir. Vaxtilə milyonlarla azadlıqsevərin ümidgahına çevrilmiş bir insanın bu gün millətin başında turp əkən indiki iqtidarın qarşısında səsi alınmış, nəyə görəsə, siyasi fəaliyyəti qadağan edilmişdir...
Sərdar Cəlaloğlu
Bəri başdan deyim ki, Sərdar bəylə münasibətimizdə heç vaxt problem olmamışdır və çoxları kimi mən də o fikirdəyəm ki, o, vaxtilə cəmiyyətdə baş verən haqsızlıqlara qarşı ən fəal mübarizə aparan siyasi partiya sədrlərindən biri olmuşdur. Onu da deməyi vacib bilirəm ki, vaxtı ilə bu hakimiyyətdən ən çox zərbə alanlardan biri də məhz Sərdar bəy özü olmuşdur. O da qardaşı kimi müxtəlif vaxtlarda 3 dəfə qısamüddətli həbs olunmuş, 1999-cu ildə hökümət qüvvələrinin sifarişi ilə həyatına sui-qəsd edilmiş, nəticədə kəllə-beyin zədəsi almışdır. Bütün bu təhqirlərdən sonra onun indi müxalifət düşərgəsinin ünvanına yeri gəldi -gəlmədi ağır ittihamlar yağdırması, bununla da bir növ hakimiyyətin dəyirmanına su tökməsi, guya özünü konstruktiv müxalifət hesab edərək “müxalifət yoxdur”x9d deyən hakimiyyətlə dialoqa can atması, hakimiyyətə qarşı əvvəlkindən tam əks mövqe sərgiləməsi , ”x9dsəni sevəcəyəm, sən sevməsən də”x9d prinsipi ilə iqtidara yaxınlaşmaq cəhdi onu qardaşı Qurban bəydən köklü surətdə fərqləndirir. Prezidentin son əfv fərmanı Qurban bəy kimi günahsız həbs edilmiş 2-3 siyasi məhbusun azad edilməsi ilə yadda qalsa da, əslində günahsız, azad fikirlərinə görə həbsdə yatanların cüzi hissəsini əhatə etdiyinə görə elə də alqışa layiq deyildir. Buna baxmayaraq, Sərdar bəy bu yarımçıq əfv fərmanını lazım olduğundan da qat-qat yüksək qiymətləndirir, növbəti addımın, vəzifənin məhz müxalifətin olduğunu deyir. Ancaq Sərdar bəy də yaxşı bilir ki, YAP-ın hakimiyyəti dövründə bu ölkədə bütün vəzifələr çoxdan bölüşdürülüb, yəni: iqtidar nümayəndələri ölkəni çapıb talamalı, seçicilərin səsini oğurlayaraq seçkiləri kütləvi surətdə saxtalaşdırmalı, işğal olunmuş torpaqlar uğrunda yox, sərvət uğrunda vuruşmalı, müxalifətçilər isə buna etiraz səslərini qaldırdıqlarına görə həbsxanalara doldurulmalıdır.
Nə isə, başınızı çox ağrıtmayım, bu gün YAP, onun idarəçiliyindən olmazın müsibətlər görmüş Sərdar Cəlaloğlu haqqında indi yazmaq çox cansıxıcı və üzücüdür...
Zərdüşt Əlizadə
Zərdüşt bəy də Milli Azadlıq Hərəkatının fəallarından olmuş, Xalq Cəbhəsinin ilkin fəaliyyətində yaxından iştirak etmiş, onun İdarə Heyətinin üzvü olmuşdur. Sonradan Azərbaycan Sosial Demokrat Partiyasının qurucusu , ilk sədri olmuş və siyasi fəaliyyətlə məşğu olduğu illərdə obyektiv mövqe nümayiş etdirməyə çalışmışdır. İndiki iqtidar da daxil olmaqla bütün hakimiyyətlərin idarəçilikdə yol verdikləri səhvləri, nöqsanları çəkinmədən deməyə çalışmış, çoxlarından fərqli olaraq şəxsi mənafe güdməmişdir. Müxtəlif vaxtlarda ona qarşı törədilmiş haqsızlıqlar, fikrimizcə, onda həddindən artıq mənfi fikirlər, qisasçılıq hissləri yaratmış, bu səbəbdən də bir sıra hallarda fəaliyyətində subyektivliyə yol vermişdir. O, fərqli fikirlərinə görə heç bir hakimiyyət dönəmində obyektiv qiymətini almamış, əksər hallarda, iqtidardakı bəzi təmsilçilər tərəfindən təqiblərə məduz qalmışdır. Azərbaycan Xalq Cəbhəsinin hakimiyyəti illərində də mövqeyinə, müəyyən fikirlərinə görə dəfələrlə ona qarşı təhqiramiz hərəkətlərə yol verilmiş, hətta bir sıra hallarda nazirdən çox reketçilik edən, bununla da Xalq Cəbhəsi hakimiyyəti- nin nüfuzuna ağır zərbə vuran sabiq daxili işlər naziri İ.Həmidovun qoçuları tərəfindən alçaldıcı hərəkətlərə məruz qalmışdır.
Araz Əlizadə
Sosial Demokrat Partiyasının sədri A.Əlizadə 1990-1995-ci illərdə Azərbaycan Respublikası Ali Sovetinin deputatı olmuşdur. Qardaşından fərqli olaraq, o, hay-küylü siyasətçilərdəndir və şəxsi mənafiyini güdən, qarşı tərəfi aşağılamaqdan, hətta tərbiyəsiz ifadələr işlətməkdən belə çəkinməyəndir. Görünür, bu da təsadüfi deyildir ki, 1985-ci ildə A.Əlizadə Ukraynada yaşadığı dövrdə xuliqanlıq maddəsi ilə 1 il həbs cəzası almışdır. 2013-cü ildə prezident seçkiləri ərəfəsində, təbliğat-təşviqat kampaniyası zamanı da biz onun timsalında etikadan kənar davranışın bir daha şahidi olduq. Bütün seçkiləri həmişə saxtalaşdırmaqla bərabər müxalifətə qarşı tərbiyəsiz hərəkətləri, ifadələri ilə seçilən insanları da efirə buraxmağı özünə adət etmiş indiki iqtidar bu dəfə də ənənəsinə sadiq qalmış, A.Əlizadəni efirdən istədiyi məqsədlər üçün istifadə etmişdir.Bütün çıxışlarını ancaq bir nəfərin, müxalifətin vahid namizədi C.Həsənlinin üzərində quran prezidentliyə “namizəd”x9d lərdən biri olan A.Əlizadə o vaxt siyasi tərcümeyi halına hörmət gətirməyən misiyanı yerinə yetirdi,iqtidarın məsləhəti ilə siyasi rəqibin ünvanına ən ağır təhqirlərdən belə çəkinmədi.Görünür, belə xidmətlərin nəticəsidir ki,əksər partiyalar qərərgahsız qaldığı halda onun sədrlik etdiyi Sosial-Demokrat Partiyası hər cür şəraitlə təmin edilmiş,YAP-ın himayəsinə sığınmışdır. Gənc nəslin nüma- yəndələri ondan da xəbərsizdirlər ki,A.Əlizadə nə qədər odlu alovlu danışsa da, vaxtilə Azərbaycanın müstəqil dövlət olmasının tərəfdarı olmamış,müstəqilliyin əleyhinə səs verən deputatlardan biri olmuşdur . Bu hadisədən 20 ildən artıq vaxt keçsə də onun mövqeyi yenə də dəyişilməz qalmışdır.Belə ki, Azərbaycan torpaq- larının 20 ildən çox işğalda qalmasının əsas səbəbkarı və günahkarı Rusiya olduğu halda, həmişə özündən razı bu siyasətçi indi də nastalgiya hissləri ilə yaşayır , bütün dünyanın Ukraynanın torpaqlarını zəbt edən təcavüzkar Rusiyaya -Putinə qarşı olduğu bir vaxtda “Bu böhran Rusiyanı dağıda bilməyəcək”x9ddeyərək özünə təsəlli verir.
Rüstəmxanlı qardaşları
Onlar cəmiyyətdə müxtəlif soyadlarla tanındıqları kimi ( Sabir Rüstəmxanlı, Əlövsət Əliyev, Şahbaz Xuduoğlu ) dəsti xəttləri də müxtəlifdir. Sabir bəy 1988-ci ildə başlayan Milli Azadlıq Hərəkatının təşkilatçılarından və liderlərindən olmuşdur. 1990-cı ildən indiyə qədər, yəni 24 ildir millət vəkilidir. 1992-ci ildən Vətəndaş Həmrəyliyi Partiyasının sədri kimi həmrəylik haqqında düşünməyən iqtidarları xalqla həmrəyliyə çağırır, amma, hələ ki, bunun nəticəsi görünmür. Hələ ki, 22 ildə heç kim, heç vaxt bunun şahidi olmamışdır ki, VHP kiminsə tapdalanmış hüquqlarının müdafiəsini üzərinə götürsun və onun halalca haqqını sonadək müdafiə etsin. 9 ildir “Xalq şairi”x9d adını daşıyan S.Rüstəmxanlı vaxtilə yazdığı bir sıra cəsarətli, zamanla səsləşən şerlərin də müəllifidir. Onun “Ana dilim”x9d, “Səttar Bəhlulzadə küçəsi”x9d və bir çox başqa şerləri vaxtılə aydın səmada şimşək kimi çaxmış, yaradıcılığı ilə sovet rejiminə meydan oxumuş, vətənpərvərlik, cəsarət nümunəsi göstərmişdir. Çox təəssüf ki, son illərdə yalanlarla idarə edilən xalqımız Sabir bəydən haqlı olaraq umduğu əvvəlki cəsarəti görmür, indiki rejimin törətditiyi haqsızlıqlara, özbaşınalıqlara, cinayətlərə qarşı şairin etiraz səsini eşitmir. S.Rüstəmxanlı 1996-cı ildə “Şöhrət”x9d ordeninə layiq görülsə də, hakimiy- yətin siyasətinə etiraz əlaməti olaraq bu yüksək ödülü almaqdan imtina etmişdir. O vaxtdan 18 il keçmiş, hakimiyyətin öz xalqına qarşı münasibəti daha da pisləşmişdir.Görəsən, indiki hakimiyyət daha nələr etməlidir ki, xalqın sayılan seçilən ziyalıları, o cümlədən, hüquqları addımbaşı tapdalanan, övladları şərlənərək zindanlara doldurulan xalqın şairi Sabir Rüstəmxanlının etiraz səsi ucalsın?
Əlövsət Əliyev
Əlövsət bəy uzun müddət hüquq mühafizə orqanlarında çalışmış, orada baş verən ədalətsizliklərlə barışmayaraq raport yazmış, daxili işlər orqanlarından istefa vermişdir. Müxtəlif beynəlxalq təşkilatlarda miqrasiya sahəsində işləmiş, 2007-ci ildən müstəqil təşkilat yaratmaqla miqrantların hüquqlarını müdafiə etməyə başlamışdır. Onun rəhbərlik etdiyi təşkilat təkcə 2010-2013-cü illərdə 750 nəfərdən çox insan alveri qurbanı müəyyən etmiş, hakimiyyətin bu sahədəki fəaliyyətinin yarıtmaz olduğunu ortaya qoymuşdur. Bərbad gündə olan məhkəmələrin monitorinqini təşkil etmiş, gənc hüquqşunasların təcrübə toplamasına yardım göstərmiş, ölkə üçün vacib olan bir sıra mühüm hüquqi layihələr həyata keçirmişdir. Əlövsət bəy təkcə QHT rəhbəri olmaqla kifayətlənməmiş, ölkənin ictimai-siyasi həyatında da yaxından iştirak etmiş, yeri gəldikcə baş verən qanunsuzlıqlara qarşı etiraz səsini qaldırmışdır. Təbii ki,bu da hamını qorxu altında saxlamağa çalışan indiki hakimiyyəti qane etməmiş, onu və qardaşı Şahbazı təqib etməyə başlamışdır. Əlövsət bəyin bəzi vətəndaşlara hüquqi yardımı, eləcə də, prezident seçkiləri ərəfəsində “Mən artıq İlham Əliyevdən yorulmuşam”x9d adlı müsahibəsi, hüquqşünaslarla prezidentliyə namizəd Cəmil Həsənliyə dəstək verməsi haqqında bəyanatları hakimiyyətin səbr kasasını daşdırmış və onun barəsində hec bir əsaslı sübut olmadan cinayət işi başlanmışdır. Bundan xəbər tutan Əlövsət bəy Almaniyaya getmiş, geri qayıtmamışdır. Hakimiyyətin yuxarı eşalonunda olan bəzi vəzifəli şəxslər heç bir məsuliyyət hiss etmədən indi də bu fikirdədirlər ki, İlham Əliyevdən yorulmuş insanlara cəmiyyətdə yer yoxdur. Əgər bu belədirsə, bu həqiqətən də belədir, ölkə kiminsə şəxsi qoruğu hesab olunursa, onda millətin ən azı 90 faizi ölkədən çıxarılmalı, ya da,Konstitusiyada dəyişiklik edilib Azərbaycanda monarxiya üsul idarəçiliyi elan edilməlidir .
Şahbaz Xuduoğlu
Şahbaz gənc olsa da, “Qanun “ nəşriyat evini yaratmaqla təqdirəlayiq bir iş görmüş, insanların hüquqi maariflənməsi işini qarşısına əsas məqsəd qoymuşdur. Daha sonra bir müddət qəzetcilik fəaliyyəti ilə məşgul olmuş, Ramiz Mediyev tərəfindən məhkəməyə verilməklə həbs edilmiş və müəyyən müddətdən sonra həbsdən azad olunmuşdur. Bununla bərabər, o, ictimai fəaliyyətindən də qalmamış, jurnalistlərin, xüsusən də 2005-ci ildə vəhşicəsinə qətlə yetirilmiş, lakin indiyə qədər qatilləri gizlədilmiş “Monitor”x9djurnalının baş redaktoru mərhum Elmar Hüseynovun hüquqlarının qorunmasında yaxından iştirak etmiş, E.Hüseynov Fondunun təsisçilərindən biri olmuşdur. Onun da bu fəaliyyəti,sözsüz ki, hakimiyyəti qane etməmiş, həmişə ehtiyatda saxladıqları qoçularını-vergi əməkdaşlarını onun üzərinə yeritmişlər. Çox keçməmiş, təcrübəli qoçular işi asanlıqla yuvarlaqlaşdırmış, dövlətə cəmi-cümlətani 150 min manat borc “aşkar”x9d etmişlər. Bununla da hələ ki, Şahbaz Xuduoğlunun səsinin batırılmasına nail olmuşlar.
Qənimət Zahid ( Zahidov Qənimət)
Qənimət Zahid 2003-cü ildən indiyə qədər Azərbaycanda əsas müxalif yönlü mətbu orqanı olan "Azadlıq”x9d qəzetinin baş redaktorudur. O, 2007-ci ildə şərlənərək həbs edilmiş, 4 il azadlıqdan məhrum etmə cəzasına məhku edilmişdir. 2 il yarım zindan həyatı yaşadıqdan sonra 2010-cu ildə əfv edilmişdir. Özünün və ailəsinin həyatına təhlükə olduğunu nəzərə alaraq xaricə üz tutmuş, hal-hazırda Fransada mühacir həyatı yaşayır. 2012-ci ildən Azərbaycanda senzura tanımayan və efirdə olan “Azərbaycan saatı”x9d həftəlik televiziya proqramının müəllifi və yaradıcısıdır.
Azərbaycanda fəaliyyət göstərən qəzet redaktorları, üzdə olan bir çox tanınmış jurnalistlər ya cəzaçəkmə yerlərində, ya da azadlıqda hakimiyyət tərəfindən sındırılmış, əvvəlki müstəqilliklərini itirmişlər. Bu sındırılmış jurnalistlər, baş redaktorlar müxalif yönlü görünmək imitasiyası yaratmağa çalışsalar da aldıqları payın müqabilində hakimiyyətin çızdığı sərhəddən kənara çıxmağa cürət etmirlər.
Bu gün ”x9dAzadlıq”x9d qəzeti yeganə orqandır və baş redaktor da daxil olmaqla onun əməkdaşları yeganə jurnalistlərdir ki, ölüm təhlükəsini göz önünə alaraq millətin sərvətlərini çapıb talayan indiki rejimlə qeyri- bərabər döyüşdə savaşa çıxmışlar.
Bir qayda olaraq, siyasi baxışlarına görə təqib edildiyi üçün xaricə mühacir edənlər orada gözləmə mövqeyi tutur, ən yaxşı halda sosial şəbəkələrdə indiki rejimin rəhbərlərinin ünvanına ürəklərini boşaltmaqla kifayətlənirlər. Qənimət bəy bu ənənəni pozmuş və Azərbaycan həqiqətlərini dünya üçün, eləcə də ölkə vətəndaşları üçün rejimin əməllərini ifşa edən xüsusi televiziya proqramı yaratmaqla ilkə imza atmışdır.
Mirzə Sakit( Zahidov Sakit)
Mirzə Sakit də haqsızlıqla barışmayan , əqidəsinə, rejimi qamçılayan kəskin satirik yazılarına görə indiki hakimiyyətin qəzəbinə tuş gələnlərdəndir. 2006-cı ildə şərlənərək narkotik maddə saxlamaqda ittiham edilərək 3 il azadlıqdan məhrum edilmiş, cəza müddətinin bitməsinə cəmi 3 ay qalmış aministiya ilə azad edilmişdir. Mirzə Sakitin şərlənərək həbs edilməsini, güclü qələm sahibi olmasını qeyd etməklə bərabər vurğulamağı lazım bilirik ki, onun fəaliyyəti qardaşının fəaliyyətindən köklü surətdə fərqlənir. Daha doğrusu, əgər Qənimət bəy real işlə, indiki rejimi ifşa etməklə məşğuldursa, Mirzə Sakit satirik yazılar yazmaqla bərabər hakimiyyətdən çox müxalif fikirli, demokratik düşüncəli, xaricə qaçmaq əvəzinə həyatını risqə qoyaraq rejimlə çarpışan insanları, az qala hamını sosial şəbəkələrdə lağa qoymaqla, təhqir etməklə məşğuldur. Başqa sözlə, yetənə yetib yetməyənə bir daş atmaq, sosial şəbəkələrdə az qala hamını təhqir etmək onun həyat normasına, ziyanlı vərdişinə çevrilmişdir. Hal-hazırda mühacir həyatı yaşayan Mirzə Sakitin son müsahibəsindən də aydın olur ki, onun ölkəni tərk etməsinin əsas səbəbi hakim rejimdən çox cəmiyyətin ona qarşı laqeyd münasibətidir. Bu fikirlərdə böyük həqiqət vardır və həqiqətən də xalqın başı nə qədər dərddə olsa da, öz cəsarətli şairini bütün vasitələrlə qorumalı, qürbət ölkələrdə əzab çəkməsinə yol verməməli idi. Nə yazıqlar ki,bu gün ona ürəkdən kömək etmək istəyənlərin pulu yoxdur, maddi imkanlı adamlar isə döş -başları ilə seçilən müğənnilərə, rəqqasələrə milyonlar xərcləməklə məşğuldur...
Mirzə Sakitə aid dediklərimi böyük türk şairi Nazim Hikmətə xitabən deyilmiş bir fikirlə tamamlayıram. Vaxtilə, inqilabçı türk şairi Nazim Hikmət tez-tez yatırıldığı zindanlardan qutularaq keçmiş SSRİ-yə gəlmiş, orada siyasi sığınacaq almışdı. Məhşur bir şəxs isə onun bu hərəkətinə qiymət verərək demişdir ki, ”x9dNazim Hikməti bir satqın kimi dar ağacından asıb, dahi şair kimi qarşısında ağlamaq lazımdır.”x9d
Satirik şerləri ilə Azərbaycan hakimiyyətini amansızlıqla qamçılayan, eyni zamanda, sosial şəbəkələrdə böyük-kiçik bilmədən insanları təhqir edən Mirzə Sakitə də belə sonluq arzulayıram...
06.01 .2015
