"15 sentyabr 1918-ci ildə Nuru Paşanın rəhbərliyi ilə Qafqaz İslam Ordusunun Bakını işğaldan azad etməsi Azərbaycan və Türkiyənin tarixə dayanan qardaşlığını, birliyini, çətin gündə dəstəyini əks etdirən özəl bir gündür".
Bizim.Media xəbər verir ki, bunu xarici işlər naziri Ceyhun Bayramov tvittter hesabında paylaşımında bildirib.
Nazir şəhidləri dərin hörmətlə andıqlarını da qeyd edib.
Qeyd edək ki, bu gün Bakının erməni-bolşevik birləşmələrinin işğalından azad olunmasının ildönümüdür. Azərbaycan paytaxtının azadlığından 103 il ötür. 1918-ci il sentyabrın 15-də Azərbaycan və Türkiyə əsgərləri Bakını bolşevik-daşnak işğalından azad edərək Azərbaycan dövlətinin tarixinə şərəfli gün yazıblar. Bu hadisədən sonra müstəqilliyini təmin edən Azərbaycanda ermənilərin və bolşeviklərin Bakı və ətraf rayonlardakı ağalığına son qoyulub.
Bizim.Media
15 sentyabr 1918-ci ildə Nuru Paşanın rəhbərliyi ilə Qafqaz İslam Ordusunun Bakını işğaldan azad etməsi #Azərbaycan və #Türkiyə/nin tarixə dayanan qardaşlığını, birliyini, çətin gündə dəstəyini əks etdirən özəl bir gündür. Şəhidlərimizi dərin hörmətlə anırıq! #BirMillətİkiDövlət pic.twitter.com/59PfRWpcKW
— Jeyhun Bayramov (@bayramov_jeyhun) September 15, 2021
