Vladimir Putin Çeçenistan Respublikasına işgüzar səfəri çərçivəsində Qroznıda Minutka meydanında yerləşən İsa peyğəmbərin adını daşıyan yeni məscidi ziyarət edib.
Bizim.Media "grozny-inform.ru" saytına istinadən xəbər verir ki, Rusiya prezidentini Çeçenistan Respublikasının rəhbəri Ramzan Kadırov müşayiət edib.
Məsciddə onları Çeçenistan Respublikası rəhbərinin müşaviri, Çeçenistan Respublikasının müftisi Salah-Hacı Mejiyev qarşılayıb.
Dini binanın görkəmi dövlət başçısında böyük təəssürat yaradıb. Burada Ramzan Kadırov və Salah-Hacı Mejiyev ona Çeçenistanın fəxri vətəndaşı nişanını və sertifikatını təqdim ediblər.
Putin də öz növbəsində zərli ornamentlərlə və zinət daşları ilə bəzədilmiş məscidə Quran bağışlayıb.
Qurani-Kərimi açan Çeçenistan Respublikasının müftisi ayəni ərəbcə oxuyub və Rusiya rəhbərinə tərcümə edib:
“Əgər hədəf seçsən, Allah-Taala hədəfinə çatmağa kömək edər”.
"Biz məğlub ola bilmərik!" - deyə Ramzan Kadırov əlavə edib.
Putin bu sözdən məmnun qalıb. O, Quranı əlinə alıb, müqəddəs kitabın gözəlliyini qeyd edərək onu öpüb.
Xatırladaq ki, Vladimir Putin Çeçenistan Respublikasının Birinci Prezidenti Əhməd-Hacı Kadırovun məzarını və Vladimir Putin adına Rusiya Xüsusi Təyinatlı Qüvvələri Universitetini də ziyarət edib.
Bizim.Media
![Putin Qroznıda yeni məscidə hədiyyə etdiyi Quran kitabını öpdü - VİDEO Putin Qroznıda yeni məscidə hədiyyə etdiyi Quran kitabını öpdü - VİDEO](https://bizim.media/file/articles/2024/08/21/1724245458_5346057845189240263.jpg)
- A-
- A
- A+
Siyasət
17:02 / 21.08.2024
Putin Qroznıda yeni məscidə hədiyyə etdiyi Quran kitabını öpdü - VİDEO
Hazırda oxunan: Putin Qroznıda yeni məscidə hədiyyə etdiyi Quran kitabını öpdü - VİDEO
Hazırda oxunan: Putin Qroznıda yeni məscidə hədiyyə etdiyi Quran kitabını öpdü - VİDEO
207716
© Materiallardan istifadə edərkən hiperlinklə istinad olunmalıdır.
Mətndə səhv varsa, onu qeyd edib ctrl + enter düyməsini basaraq bizə göndərin.
Mətndə səhv varsa, onu qeyd edib ctrl + enter düyməsini basaraq bizə göndərin.