Azərbaycan Respublikası ilə İran İslam Respublikası arasında aparılmış danışıqlar nəticəsində 15 iyul 2024-cü il tarixindən etibarən Azərbaycan Respublikasının İran İslam Respublikasındakı Səfirliyi yeni ünvanda fəaliyyətini bərpa edib. Səfir və səfirliyin hal-hazırkı heyəti İrana geri dönüb.
Bizim.Media xəbər verir ki, bu barədə Azərbaycan Xarici İşlər Nazirliyi məlumat yayıb.
İran tərəfi akkreditasiya ölkəsi kimi, “Diplomatik Əlaqələr haqqında Vyana Konvensiyası” çərçivəsində təhlükəsizliyin təminatına dair öhdəliyinə uyğun olaraq, səfirliyimizin yeni binasının qarşısında diplomatik mühafizənin təmin olunması üçün müvafiq tədbirlər həyata keçirib.
Hal-hazırda, İrandakı səfirliyin yeni binasında konsulluq xidmətinin təşkili üçün müvafiq işlər görülür və yaxın zamanda konsulluq xidmətinin bərpası barədə əlavə məlumat veriləcək.
Səfirlik Tehran şəhəri, Dərrus məntəqəsi, Şəhrizad prospekti, Yarməhəmmədi küçəsi, Saqi dalanı və Firuzkuh küçəsinin kəsişməsi, ev 8 ünvanında yerləşir.
Səfirliyin işinin bərpası qarşılıqlı hörmətə və mehriban qonşuluğa əsaslanan Azərbaycan-İran əlaqələrinin gələcək inkişafına, iki ölkə arasında əldə edilmiş razılaşmaların və həlli zəruri olan məsələlərin icra olunması işinə töhfə verəcək.
Bizim.Media
![Azərbaycanın İrandakı Səfirliyi fəaliyyətini BƏRPA ETDİ - RƏSMİ/FOTO Azərbaycanın İrandakı Səfirliyi fəaliyyətini BƏRPA ETDİ - RƏSMİ/FOTO](https://bizim.media/file/articles/2024/07/15/1721027209_1.jpg)
- A-
- A
- A+
Siyasət
11:04 / 15.07.2024
Azərbaycanın İrandakı Səfirliyi fəaliyyətini BƏRPA ETDİ - RƏSMİ/FOTO
Hazırda oxunan: Azərbaycanın İrandakı Səfirliyi fəaliyyətini BƏRPA ETDİ - RƏSMİ/FOTO
Hazırda oxunan: Azərbaycanın İrandakı Səfirliyi fəaliyyətini BƏRPA ETDİ - RƏSMİ/FOTO
202083
© Materiallardan istifadə edərkən hiperlinklə istinad olunmalıdır.
Mətndə səhv varsa, onu qeyd edib ctrl + enter düyməsini basaraq bizə göndərin.
Mətndə səhv varsa, onu qeyd edib ctrl + enter düyməsini basaraq bizə göndərin.