Azərbaycan Respublikasının Prezidenti İlham Əliyev aprelin 28-də “Boeing Commercial Airplanes” Şirkətinin prezidenti və baş icraçı direktoru Stenli Dili qəbul edib.
Bizim.Media xəbər verir ki, Stenli Dil dedi: “Boeing” şirkəti adından Azərbaycanla əməkdaşlıq məsələsində liderliyinizə görə Sizə təşəkkürümü ifadə etmək istəyirəm.
Prezident İlham Əliyev: Təşəkkür edirəm.
Stenli Dil: Biz Azərbaycanla bağlı bütün işləri həyata keçirə bilmişik.
Prezident İlham Əliyev: Bəli, artıq iyirmi ildən çoxdur.
Stenli Dil: Bəli, iyirmi ildir ki, iş birliyi aparırıq.
Prezident İlham Əliyev Azərbaycanın “Boeing” şirkəti ilə uğurlu əməkdaşlıq həyata keçirdiyini bildirdi, bu əməkdaşlığın hava yollarımızın inkişafında rolundan danışdı.
Dövlətimizin başçısı işğaldan azad olunmuş ərazilərimizdə yeni hava limanlarının inşa olunduğu dedi və bu baxımdan təyyarə parkımızın genişlənəcəyini vurğuladı.
Prezident İlham Əliyev: Sizin də bildiyiniz kimi biz Azərbaycanda bir neçə hava limanı tikmişik və üç əlavə hava limanı da...
Stenli Dil: Tikilməkdədir?
Prezident İlham Əliyev: Bəli, işğaldan azad edilmiş ərazilərdə inşa olunacaq.
Stenli Dil: Bilirəm, bu, çox vacibdir.
Prezident İlham Əliyev: İki gün bundan əvvəl onlardan birinin təməlini qoydum. Tikintisinə bir neçə ay bundan öncə başladığımız birinci hava limanı isə sentyabrda istismara veriləcək.
Stenli Dil: İşlər çox sürətlə gedir.
Dövlətimizin başçısı, eyni zamanda, ölkəmizin yükdaşıma təyyarələri parkının potensialını da vurğuladı və bu sahədə də əməkdaşlıq üçün imkanları qeyd etdi.
Prezident İlham Əliyev: Əminəm ki, bizim uğurlu əməkdaşlığımız davam edəcək. Həmçinin siz bizə yükdaşıma üçün təyyarə parkının inkişafında da kömək etmisiniz.
Stenli Dil: Bəli, bu, çox vacibdir.
Prezident İlham Əliyev: Bəli, hesab edirəm ki, Azərbaycan yükdaşıma təyyarələri parkının potensialına görə aparıcı ölkələr sırasındadır.
Stenli Dil: Elədir ki, var. 2020-ci ildə hava yolu ilə yükdaşımaları sahəsində ən yaxşı daşıyıcı olmaq şərəfinə nail olmağı, bu prosesin iyirmi il öncə başladığını və sizin bu sahədə artıq liderə çevrildiyinizi nəzərə alaraq bu, təqdirəlayiqdir.
Prezident İlham Əliyev: Bəli, hesab edirəm ki, bu, böyük nailiyyətdir. Çünki bizim regionda belə güclü yükdaşıma parkına o qədər də çox ölkə sahib deyil. Bu, bizə kömək edir və əməkdaşlığa xidmət edir.
Stenli Dil: Yükdaşıma bacarığına nail olmaq strateji bir məsələdir.
Bizim.Media
![Prezident “Boeing Commercial Airplanes”ın rəhbərini qəbul edib Prezident “Boeing Commercial Airplanes”ın rəhbərini qəbul edib](https://bizim.media/file/articles/2021/04/28/1619598040_qebul.jpg)
- A-
- A
- A+
Siyasət
12:18 / 28.04.2021
Prezident “Boeing Commercial Airplanes”ın rəhbərini qəbul edib
Hazırda oxunan: Prezident “Boeing Commercial Airplanes”ın rəhbərini qəbul edib
Hazırda oxunan: Prezident “Boeing Commercial Airplanes”ın rəhbərini qəbul edib
19360
© Materiallardan istifadə edərkən hiperlinklə istinad olunmalıdır.
Mətndə səhv varsa, onu qeyd edib ctrl + enter düyməsini basaraq bizə göndərin.
Mətndə səhv varsa, onu qeyd edib ctrl + enter düyməsini basaraq bizə göndərin.