Ekspert: \"F-16” qırıcıları əməliyyatlarda iştirak edə bilər”

“Ermənistandakı Erebunidə rusların hərbi bazası var: "Orada da rusların ”MiQ-29" və "Su-30" hərbi təyyarələri mövcuddur. Ermənilər bu təyyarələri hərbi əməliyyatlara qoşmaq istəyirlər. Əgər belə hal baş versə, bu zaman ”F-16" qırıcıları da prosesə qoşula bilər. Çünki Türkiyə ilə Azərbaycan arasında "Yüksək strateji əməkdaşlıq” barədə saziş var.

Bizim.Media xəbər verir ki, bununla bağlı politoloq Qabil Hüseynli "Yeni Müsavat"a şərh verib.

“Sazişdə qeyd edilir ki, tərəflərdən birinə edilən təcavüz digərinə edilmiş təcavüz kimi qiymətləndiriləcək və dərhal hərəkətə keçəcəklər. Ümumiyyətlə, Türkiyənin müdaxiləsi üçün hüquqi bazası var. Bunu gələcəkdə təkmilləşdirmək fikrindəyik və layihəsi artıq hazırdır. Belə ki, iki ökə arasında hərbi ittifaq haqda müqavilə bağlanması gözlənilir. Necə ki, Rusiya və Ermənistan arasında bu müqavilə var. Gələcəkdə kənar qüvvələr müdaxilə etmək fikrinə düşsə, Türkiyə dərhal prosesə qoşulacaq və özünə aid bütün qoşun növləri ilə əməliyyatlarda iştirak edəcək".

Bizim.Media