Milli Məclisin bu gün keçirilən iclasında Fransanın Azərbaycana qarşı qərəzli münasibəti ilə bağlı bəyanat qəbul edilib.
Bizim.Media xəbər verir ki, bu barədə məsələ Milli Məclisin iclasının gündəliyinə daxil edilib.
MÖVZU İLƏ BAĞLI:
Milli Məclis Fransaya etiraz bəyanatı GÖNDƏRƏCƏK
Bəyanatın mətninin hazırlanması üçün komissiya yaradılıb. Bəyanatın mətnini komissiyanın üzvü, deputat Sevil Mikayılova oxuyub.
Bəyanatda Fransanın Azərbaycana qarşı qərəzli mövqeyi pislənib. Qeyd edilib ki, Fransa Azərbaycan-Ermənistan münasibətlərinin normallaşmasına, sülh müqaviləsinin imzalanmasına zərbə vurur.
Bildirilib ki, ikinci Qarabağ müharibəsindən sonra Fransa Azərbaycana qarayaxma kampaniyası aparmaqda davam edir. Fransanın Cənubi Qafqazda yanaşması onun ikili standartlar üzərində qurulduğunu açıq nümayiş etdirir.
Bizim.Media
