Daha güclü koronavirus növü aşkarlanıb

Hazırda oxunan: Daha güclü koronavirus növü aşkarlanıb

2405

Danimarkada mutasiyaya uğramış daha güclü yeni növ koronavirus aşkar edilib.

Bizim.Media xarici mediaya istinadən xəbər verir ki, Cluster-5 adlanan və insandan-insana ötürülən bu virus əsasən Danimarkanın şimalında, Jutland bölgəsində və Avropanın digər regionlarında yayılıb.

ÜST-ün fövqəlada hallar proqramının icraçı direktoru Maykl Rayan Danimarkada koronavirusa yoluxmuş bir çox insanın olduğunu və virusda bəzi genetik dəyişikliklərin olduğu barədə məlumat verib.

Virus klinik əlamətlərinə, ağırlıq dərəcəsinə və yoluxuculuq qabiliyyətinə görə digər koronavirus növlərinə bənzəsə də, əvvəllər müşahidə olunmayan bir mutasiya tərkibinə malikdir.

Cluster-5 virusunun əlamətləri yeni növ koronavirusda olduğu kimi hərarət, baş, sinə ağrısı və quru öskürək kimi oxşardır.

Danimarkanın Baş naziri Mette Frederiksen bildirib ki, mutasiyaya uğramış virus orqanizmin antikor yaratmaq qabiliyyətini zəiflədir və COVID-19 üçün hazırlanan mövcud peyvəndləri potensial olaraq təsirsiz hala gətirir.

Təranə Mirzəyeva, Bizim.Media