“Arsax”ın keçmiş müdafiə naziri həbs edildi

“Arsax” (Qarabağdakı qondarma rejim) “Müdafiə Nazirliyi”nin keçmiş rəhbəri, Arayik Arutyunyanın baş müşaviri Mikayel Arzumanyan həbs edilib. 

Bizim.Media “armeniatoday.news” saytına istinadən xəbər verir ki, bu barədə onun vəkili Yerem Sarkisyan məlumat verib.

“Avqustun 30-da mediada Qarabağdan Ermənistana gedərkən “Arsax”ın keçmiş müdafiə naziri, “Müdafiə ordusu”nun keçmiş komandanı, Arayik Arutyunyanın  hazırkı baş müşaviri Mikayel Arzumanyanın saxlandığı barədə məlumat yayılıb.
Onun Ermənistan İstintaq Komitəsinin Hərbi İdarəsinin müstəntiqləri tərəfindən ələ keçirildiyi bildirilib. 

Daha sonra o, Şuşa və ətraf rayonların müdafiəsini təşkil edərkən xidməti vəzifəsinə səhlənkar yanaşmaqda ittiham olunub. Nəticədə bir çox ərazi düşmənin (Azərbaycan nəzərdə tutulur) silahlı qüvvələri tərəfindən tam nəzarətə götürülüb”, deyə mənbə qeyd edib.

Bizim.Media