Moskvada faciə: Azərbaycanlılar gölməçədə boğuldu

İki azərbaycanlının Moskvada tətili faciəyə çevrilib.

Bizim.Media xəbər verir ki, bu barədə informasiyanı “Moskovskiy Komsomolets” qəzeti yayıb.

Mənbə yazır ki, 20 yaşlı Eldar və onun 28 yaşlı əmisi Rəcəb iyulun 4-də Biryulevski gölməçəsində üzmək qərarına gəliblər. 

Eldar (Soyadı açıqlanmır) çimmək üçün suya atılıb və həmin an boğulmağa başlayıb. Əmisi ona kömək etməyə tələsib, üzə bilmədiyi üçün qardaşı oğlu ilə birgə batıb.

Bir neçə saat sonra sahildə qalan sahibsiz sənədlər və telefonlar ərazidən keçənlərin diqqətini cəlb edib və nəticədə həyəcan təbili çalınıb. Şahidlərin sözlərinə görə, axşam saatlarında xilasedicilərdən başqa, ən azı 300 nəfər gölməçənin sahilinə toplaşıb. 

Hər iki şəxs Azərbaycanda dəfn olunacaq.

Bizim.Media