Azərbaycan Qarabağ münaqişəsini həll etdi və regionu inkişaf yolu ilə aparır - Ərdoğan

Hazırda oxunan: Azərbaycan Qarabağ münaqişəsini həll etdi və regionu inkişaf yolu ilə aparır - Ərdoğan

79503

“BMT Təhlükəsizlik Şurasının qətnamələrinə baxmayaraq, Qarabağ münaqişəsi uzun müddət ərzində həllini tapmırdı”.

Bizim.Media-nın məlumatına görə, bu, Türkiyə prezidenti Rəcəb Tayyib Ərdoğanın “Qlobal dünya nizamına təhdidlər” mövzusunda IX Qlobal Bakı Forumunun iştirakçılarına ünvanladığı məktubda deyilir.

R.T.Ərdoğanın məktubunu sabiq baş nazir Binəli Yıldırım oxuyub.

Məktubda qeyd edilir ki, Azərbaycan ikinci Qarabağ müharibəsi nəticəsində bu münaqişəni özü həll etdi və hazırda regionu sabit şəkildə bərpa və inkişaf yolu ilə aparır.

Prezident İlham Əliyev Forumun açılış mərasimində çıxış edib.

Forumda ümumilikdə 53 ölkədən 400-ə qədər nümayəndə, o cümlədən dövlət və hökumət başçıları, sabiq dövlət və hökumət başçıları, gənc liderlər iştirak edir.

Bizim.Media