Türkiyənin tanınmış pop müğənnisi Hande Yener barəsində cinayət işi üzrə araşdırma başladılıb.
Bizim.Media xəbər verir ki, bu barədə informasiyanı Muğla Respublika Prokurorluğu yayıb.
Məlumata görə, müğənni bir konsert zamanı tamaşaçıların səsləndirdiyi şüara qoşulduğu iddiası ilə “konstitusiya quruluşunu hədəfə alma” və “prezidenti təhqir etmə” maddələri üzrə istintaqa cəlb olunub.
İddialara əsasən, Yener 2025-ci il mayın 15-də Muğlada keçirilən konsertdə səhnədən tamaşaçılarla birlikdə şüar səsləndirib. Həmçinin 18 may 2025-ci ildə İstanbulun Harbiye Açıq Hava səhnəsindəki çıxışı zamanı söylədiyi bəzi ifadələr də araşdırmaya səbəb olub.
Prokurorluq müğənninin ifadəsinin alınması üçün aidiyyəti qurumlara göstəriş verib.
Bizim.Media
