Nikol Paşinyan adəti üzrə, hakimiyyətə yaxın məmurlar arasında böyük “təmizləmə əməliyyatı”na hazırlaşır.
Bizim.Media xəbər verir ki, “İravnuk” qəzeti bu barədə baş nazirin administrasiyasındakı mənbələrə istinadla yazıb.
Qeyd edilib ki, bir neçə gün əvvəl bu prosesdə “qurban” olacaq məmurların siyahısı da təsdiqlənib, yəni vəzifədən azad ediləcək şəxslərin adları artıq müəyyənləşdirilib.
Mənbənin qeyd etdiyinə görə, seçkilər yaxınlaşdıqca, Ermənistanda dövlət qulluğunda çalışanlar üçün vəziyyət daha da gərgin və qeyri-müəyyən olacaq.
Bizim.Media































































































