NTV-nin əməkdaşları Türkiyədə saxlanıldı

Hazırda oxunan: NTV-nin əməkdaşları Türkiyədə saxlanıldı

4311

NTV jurnalistləri İstanbulun yaxınlığında saxlanılıb, onlarla əlaqə yaratmaq mümkün olmayıb.

Bizim.Media xəbər verir ki, bu barədə NTV-nin rəsmi saytında məlumat verilib.

Qeyd edilib ki, Rusiyanın NTV televiziya kanalının iki əməkdaşı, müxbir Aleksey Petruşko və operator İvan Malışkin İstanbul yaxınlığında saxlanılıb.

Onlar 3 dekabr səhər saatlarında redaksiyaya İstanbulun ətrafında polis tərəfindən tutulduqları barədə məlumat veriblər.

“Moskva vaxtı ilə saat 21: 00-da Aleksey Petruşko qısa bir SMS göndərib. Mesajda qeyd edib ki, “'Nədənsə bizi hələ tuturlar”,- deyə NTV verib.

Telekanalın məlumatına görə, bundan sonra əməkdaşlarla rabitə kəsilib. Onlar zənglərə və mesajlara cavab verməyiblər.

Rusiya Xarici İşlər Nazirliyi və Baş Konsulluq vəziyyətə aydınlıq gətirməyə çalışır. Qurumdan jurnalistlərin tutulması ehtimalına dair məlumatların dəqiqləşdirilməsi və yerlərinin müəyyənləşdirilməsi üçün lazımi səyləri göstərdiklərini bildiriblər.

Bizim.Media