Son 12 gün ərzində, İran–İsrail qarşıdurmasının intensivləşməyə başladığı gündən etibarən, İranda təxminən 700 nəfər “casusluq və İsraillə əməkdaşlıq” ittihamı ilə həbs olunub.
Bizim.Media xəbər verir ki, bu barədə Farsna xəbər agentliyi SEPAH-dakı (İran İnqilab Keşikçiləri Korpusu) mənbələrə istinadla məlumat yayıb.
Bildirilir ki, ən çox həbslər Kermanşah, İsfahan, Xuzistan, Fars və Luristan əyalətlərində aparılıb.
Mənbələrin sözlərinə görə, yalnız son günlərdə Tehranda 10 mindən çox dron aşkarlanaraq müsadirə edilib.
Digər tərəfdən, HRANA adlı insan haqları təşkilatı bildirir ki, bu dövr ərzində siyasi və təhlükəsizliklə bağlı ittihamlarla ümumilikdə 823 nəfər saxlanılıb.
Bizim.Media
