Xəbər verdiyimiz kimi, dünən Rusiya paytaxtında Ermənistan və Azərbaycan nümayəndələri arasında sərhəd zonasında baş verən son hadisələr barədə danışıqlar keçirilib. Görüşdə Ermənistan Baş Qərargahı rəisinin müavini Arşak Karapetyan, Sərhəd Qoşunları Baş Qərargah rəisi Arman Qasparyan, Azərbaycan Xarici Kəşfiyyat Xidmətinin rəisi general-polkovnik Orxan Sultanov və Qarabağdakı sülhməramlı kontingentin komandiri Rüstəm Muradov iştirak ediblər.
Ermənilərin “Joqovurd” qəzeti görüşlə bağlı bəzi detalları açıqlayıb.
Bizim.Media xəbər verir ki, bu haqda məlumat “armeniasputnik.am” saytında yer alıb.
MÖVZU İLƏ BAĞLI:
Bütün ermənilərin katolikosu II Qaregin Azərbaycanla sərhədə gəldi
Qəzet bildirib ki, Moskva danışıqlarının mərkəzində əsir götürülən altı erməni hərbçinin məsələsi durub.
Mənbə görüşdə iştirak edən Rüstəm Muradovun bu gün İrəvana gələcəyini də qeyd edib.
“Erməni tərəfi tələb edib ki, 6 əsir dərhal geri qaytarılsın. Danışıqlardan sonra verilən qərar hələ dəqiqləşməyib. Sızan informasiyaya görə, müsbət nəticə əldə edilməyib”, deyə qəzet yazıb.
Bizim.Media