“Azərbaycan hansı məqsəd qoyubsa, ona nail olacaq" - Erməni general

“Azərbaycan qarşısına hansı məqsəd qoyubsa, ona nail olacaq”.

Bizim.Media xəbər verir ki, Ermənistan Silahlı Qüvvələrinin Baş Qərargahının keçmiş rəisi, general-polkovnik Movses Akopyan news.am saytına müsahibəsində baş nazir Nikol Paşinyanın Ordu Günü ilə bağlı çıxışını şərh edib.

Akopyan Ermənistan hakimiyyətinin silah əldə etməklə guya uğur qazanacağı barədə bəyanatını tənqid edib:

“Biz bir şeyi başa düşməliyik: silah sadəcə mübarizə vasitəsidir. Silahların olması ikinci dərəcəlidir. Birincisi, istək, bilik və bacarıq olmalıdır, silah isə sadəcə bir vasitədir”.

“Azərbaycanla Ermənistan arasında yeni eskalasiyanın mümkün olması nə dərəcədə mümkündür?” sualına general Akopyan belə cavab verib: “Hər şey mümkündür. Azərbaycan qarşısına hansı məqsəd qoyubsa, ona nail olacaq”.

Bizim.Media