"Gürcüstan Azərbaycan və Ermənistan arasında vasitəçi olmağa hazırdır" - Qaribaşvili 

"Gürcüstan lazım gələrsə, Ermənistan və Azərbaycan arasında vasitəçilik prosesinə qoşulmağa hazırdır".

Bizim.Media xəbər verir ki, bunu Gürcüstanın Baş naziri İrakli Qaribaşvili parlamentdə çıxışı zamanı bildirib.

“Mən bu tribunadan tam hazır olduğumuzu bir daha açıq şəkildə təsdiq etmək istəyirəm. Lazım gələrsə, biz dostlarımız, iki ölkə arasındakı prosesə bir daha qoşulmağa hazırıq. Bu, çox vacib istiqamətdir”, - Gürcüstanın baş naziri bildirib.

Onun sözlərinə görə, Onun sözlərinə görə, Tbilisinin regionda gözəl əlaqələri var və bu əlaqələr müxtəlif layihələrin həyata keçirilməsi ilə daha da güclənir. Baş nazir qeyd edib ki, Azərbaycan, Türkiyə və Ermənistan ilə əməkdaşlıq gündən-günə intensivləşir.
Qaribaşvili, həmçinin öz ideyasını - dinc qonşuluq platformasını xatırladıb və bunu region üçün nümunəvi vasitəçilik variantı adlandırıb.

Bizim.Media