Sentyabr ayında ölən 201 erməni hərbçinin kimliyi müəyyən edilib 

Sentyabr ayında Azərbaycanla sərhəddə ölən 201 erməni hərbçinin meyitinin şəxsiyyəti müəyyən edilib. 

Bizim.Media xəbər verir ki, bunu oktyabrın 20-də jurnalistlərə müsahibəsində Ermənistanın səhiyyə naziri Anahit Avanesyan deyib.

O, qeyd edib ki, şəxsiyyəti müəyyən edilməyən meyit qalmayıb.

Nazir bildirib ki, 44 günlük müharibə zamanı ölən və şəxsiyyəti müəyyən edilən bəzi hərbçilərin qalıqları hələ də dəfn olunmayıb. Eyni zamanda, o, konkret rəqəm söyləməyib.

Avanesyan vurğulayıb ki, Niderlandda 44 günlük müharibə zamanı ölən hərbçilərin naməlum qalıqlarının iki dəfə ekspertizası aparılıb. 

“Elə qalıqlar var ki, onları hətta Niderlandda da müəyyən etmək mümkün olmayıb”, o, əlavə edib.

Bizim.Media