Paşinyanın əsas rəqibi İrəvanda döyüldü - FOTO 

Ermənistanda “Müstəqillik Hərəkatı”nın lideri, eks-qubernator, keçmiş səfir Edqar Kazaryan döyülüb.

Bizim.Media xəbər verir ki, bu barədə informasiyanı Ermənistan polisinin mətbuat xidməti yayıb.

Qurumun məlumatına görə, Kazaryanın döyüldüyü barədə siqnal təcili yardım maşını ilə aparıldığı Erebuni tibb mərkəzindən gəlib.
“Təcili yardım maşını Kazaryanı xəstəxanaya çatdırıb. Hazırda hadisənin bütün şəraiti araşdırılır. Materiallar ibtidai istintaq orqanına təhvil verilib”, - deyə polisdən bildirilib.

Kazaryan Yeqbayrutyan küçəsi-16 ünvanından xəstəxanaya aparılıb. Hücum edənlər barədə məlumat verilmir.

İctimai xadim Naira Zohrabyan da öz növbəsində Kazaryanın evinin yaxınlığında döyüldüyünü bildirib. Digər təfərrüatlar hələlik məlum deyil.

Xatırladaq ki, Edqar Kazaryan dəfələrlə İrəvanda Ermənistanın baş naziri Nikol Paşinyanın istefası tələbi ilə mitinqlər təşkil edib.

Bizim.Media