"Dərman tapılmır deyə, onlarla əməliyyat təxirə salınıb" - Deputatdan SOS  

“İnsanların 80-90 faizi icbari sığortadan razıdır”.

Bizim.Media xəbər verir ki, bunu millət vəkili Rüfət Quliyev Milli Məclisin bu gün keçirilən plenar iclasında çıxışı zamanı deyib.

“Bir neçə həkim mənə səhiyyə orqanları ilə bağlı müraciət edib. Bir aydan çoxdur ki, adrenalin dərmanı yoxdur və cərrahiyyə əməliyyatları dayandırılıb. Qiyməti bir manat olan dərmanı işbazlar 150-200 manata satırlar.
Digər problemli dərman isə natrium-xloriddir. Bu dərman  Ukraynada istehsal olunur və ölkəyə gətirilməsi proseduru olduqca çətindir.

Bizdə ideya var idi ki, Türkiyədə istehsal olunan dərmanlar ölkəmizə asanlıqla gətirilə bilsin. Bu problemlər təcili aradan qaldırılmalıdır. Çünki onlarla əməliyyatın keçirilməsində problemlər yaranıb”, - deyə deputat əlavə edib.

Murad Əhmədov, Bizim.Media