Şirvanda qumar oynayan şəxslər cərimələndilər - FOTO

Hazırda oxunan: Şirvanda qumar oynayan şəxslər cərimələndilər - FOTO

96727

Şirvanda kafedə qumar oynayan şəxslər 3000 manat cərimələniblər, obyekt sahibi barəsində isə araşdırmalara başlanılıb.

Daxili İşlər Nazirliyinin mətbuat xidmətinin Şirvan regional qrupundan Bizim.Media-ya verilən məlumata görə, Şirvan Şəhər Polis Şöbəsinin əməkdaşları tərəfindən keçirilən tədbirlərlə şəhər ərazisində yerləşən kafelərin birində beş nəfərin qumar oynaması aşkarlanıb.

Araşdırmalarla həmin şəxslərin Şirvan şəhər sakinləri Elşən Səfərov, Elxan Mirzəyev, Rauf Nərimanov, Elman İsmayılov və Sabirabad rayon sakini Fuad Hüseynov olduqları müəyyən edilib.

Qaydaları pozaraq qumar oynayan beş nəfər, eləcə də kafeni icarə əsasında işlədən şəhər sakini Yaşar Mirzəliyev saxlanılaraq polis şöbəsinə gətiriliblər.

PŞ-də E.Səfərov, E.Mirzəyev, R.Nərimanov, E.İsmayılov və F.Hüseynov barəsində toplanmış materiallar hüquqi qiymət verilməsi üçün Şirvan şəhər məhkəməsinə göndərilib və məhkəmənin qərarı ilə onların hər biri 3000 manat məbləğində cərimə olunub.
Obyekti icarə əsasında işlədən Y.Mirzəliyev barəsində isə İstintaq Bölməsində araşdırmalar aparılır.

Bizim.Media