Şəmkirdə əməliyyat keçirildi - Saxlanılan var – FOTO 

Şəmkir sakinində narkotik aşkarlanıb.

Bizim.Media-nın yerli bürosunun məlumatına görə, rayon Polis Şöbəsinin əməkdaşlarının keçirdikləri əməliyyat-axtarış tədbirləri nəticəsində qanunsuz olaraq narkotik vasitə əldə edib saxlamaqda şübhəli bilinən Valeh Cəfərov saxlanılıb.

Onun üzərinə baxış keçirilən zaman narkotik vasitə olan “marixuana” aşkar edilib. Saxlanılan şəxsin ətrafında aparılan istintaq-əməliyyat tədbirləri nəticəsində onun yaşadığı evdə də narkotik vasitə olması aşkarlanıb.
Ünvana baxış zamanı oradan 2 kq-dan çox narkotik vasitə olan “marixuana” götürülüb. Dindirilmə zamanı saxlanılan şəxs narkotik vasitəni şəxsi istifadəsi üçün əkdiyini bildirib.  

Faktla bağlı Polis Şöbəsində cinayət işi başlanılıb, araşdırmalar davam etdirilir.  

Məqsəd Rəhimov, Bizim.Media, Qərb bürosu