Şabrandakı yanğında 15 nəfərə ziyan dəyib - FOTO 

Şabranda baş verən son yanğında 15 vətəndaşa ziyan dəyib.  

Bizim.Media-ya bu barədə Şabran İH başçısının müavini İlkin Ağayev açıqlama verib.  

İ.Ağayev bildirib ki, yanğınlarda Zöhrəmli və Dağbilici kəndlərində vətəndaşların fərdi təsərrüfatına xeyli ziyan dəyib. Dağbilici kəndində evlərdən 1-i ev tamamilə, 4-ü qismən yanıb. Zöhrəmli kəndində isə 10 evin həyətyanı sahəsində tövləsi ,yardımçı tikilisi zərər görüb. 

Sakinlərdən birinin hətta kombaynı da yanıb. Bütün bunlarla bağlı rayon Fövqəladə Hallar Komissiyası araşdırma aparıb.

Toplanan bütün materiallarla bağlı əhaliyə köməklik göstərilməsi üçün qarşıdakı həftənin ilk günü Baş nazir Əli Əsədova və FH naziri Kəmaləddin Heydərova rəsmi müraciət ediləcək. Onlara hansı səviyyədə konpensasiya verilməsi hökumətin qərarından asılı olacaq.  

Aytəkin Alxaslı, Bizim.Media, Şimal bürosu