Avropanın qarı Azərbaycana gəlir?

Avropada, xüsusi ilə də İspaniyada müşahidə olunan son 50 ilin güclü qar yağışı üzü şərqə doğru irəliləməkdədir.

Bizim.Media RİA.Novosti-yə istinadən xəbər verir ki, artıq güclü qar Moskvada və Şərqi Avropa ölkələrinin bir qismində özünü biruzə verib.

Ehtimal olunur ki, anomal hava şəraiti şərqə doğru yürüdükcə öz gücünü itirəcək.

Yanvar ayının 12-dən etibarən, qar yağmuru Türkiyənin bir çox iri şəhərlərində özünü göstərəcək. Yanvar ayının 14-ə qədər  İstanbul və Ankara bəyaz örpəyə bürünəcək.

Sinoptiklər belə proqnoz verir ki, yanvar ayını 15-20 aralığında soyuq hava siklonlarının Cənubi Qafqaz üzərindən də keçmək ehtimalı var.

Odur ki, yanvarın 20-ə qədər bəyazlıq Bakı küçələrinin də sevimli rənginə çevrilə bilər.

Bizim.Media