Elçibəyin qızı atası haqqında kitab yazdı - FOTO

Azərbaycanın eks-prezidenti Əbülfəz Elçibəyin qızı Çilənay Səmədbəyli atası haqqında kitab yazıb.

Bizim.Media xəbər verir ki, bu barədə informasiyanı Elçibəyin kürəkəni Aqil Səmədbəyli yayıb.

Onun sözlərinə görə, Çilənay Səmədbəyli İstanbul Universitetinin Tarix fakültəsinin doktorantıdır və onun yazdığı kitab “Əbülfəz Elçibəy: həyatı və mübarizəsi” adlanır.

Kitab elmi standartlara uyğun hazırlanıb və “Ötükən Yayınları” tərəfindən çap olunub.

Qeyd edək ki, Göyçə mahalının Zərkənd kəndində doğulan Aqil Səmədbəyli Azərbaycan Milli Məclisinin IV çağırışının Müsavat Partiyasından deputatı Arzu Səmədbəylinin qardaşıdır.

Bizim.Media