Xəbər verdiyimiz kimi, bu gün saat 22 radələrində Bakı şəhəri, Yasamal rayonu, Çingiz Mustafayev küçəsi ev 62 ünvanında yerləşən üçmərtəbəli yaşayış binasında yanğın baş verib.
Baş Prokurorluqdan Bizim.Media-ya verilən məlumata görə, hazırda prokurorluq, Fövqəladə Hallar Nazirliyi və digər aidiyyəti orqanların nümayəndələri hadisə yerindədilər.
Prokurorluğun müstəntiqləri və kriminalistləri tərəfindən zəruri istintaq hərəkətləri həyata keçirilir.
MÖVZU İLƏ BAĞLI:
Bakıda yaşayış binasında GÜCLÜ YANĞIN BAŞLAYIB - VİDEO
İlkin məlumata əsasən, hadisə nəticəsində həmin yaşayış binasının 2-ci mərtəbəsində yaşayan 1948-ci il təvəllüdlü Elen Abdulabəyova ölmüşdür.
İctimaiyyətə əlavə məlumat veriləcəkdir.
Bizim.Media
