Yol polisinin qaydaları pozması iddialarına DYP-dən MÜNASİBƏT - VİDEO

Hazırda oxunan: Yol polisinin qaydaları pozması iddialarına DYP-dən MÜNASİBƏT - VİDEO

73426

Bakı şəhərində yol polisi əməkdaşının xidməti avtomobillə qaydaları kobud şəkildə pozması iddia olunan görüntülər yayılıb.

Bakı Şəhər Dövlət Yol Polis İdarəsinin baş inspektoru, polis mayoru Araz Əsgərli Bizim.Media-ya açıqlamasında məsələyə aydınlıq gətirib.

O, bildirib ki, iddialar həqiqəti əks etdirmir və görüntülər çoxdan qeydə alınıb:

“Qeyd edim ki, operativ nəqliyat vasitələrinin hərəkəti “Yol hərəkəti haqqında” Qanunun 74-cü maddəsilə tənzimlənr. Digər tərəfdən, bu görüntülər köhnə görüntülərdir və reytinq xatirinə ortaya atılıb. Ən əsası isə polis avtomobilin sayrışan işıqlarını yandıraraq hərəkət edir.

Bu Nizami rayonu Dövlət Polisi Şöbəsinə məxsus maşındır və qanunun icazə verdiyi şəkildə hərəkət edir. Bu görüntülərdə polis tərəfindən heç bir qanunsuz hərəkət yoxdur”.
DYP rəsmisi həmçinin polisin adından istifadə edərək, reytinq xatirinə bu kimi yazıların yazılmasına qarşı çıxıb.

Səkinə Yusibli, Bizim.Media