Azərbaycan iqtisadiyyatında 3 faizə yaxın artım gözlənilir - "Fitch"dən yeni PROQNOZ

"Fitch Ratings" Beynəlxalq Reytinq Agentliyinin yenilənmiş gözləntilərinə görə, bu il Azərbaycan iqtisadiyyatı real ifadədə 2,7% artacaq.

Bizim.Media xəbər verir ki, bu barədə Agentlik məlumat yayıb.

Bildirilib ki, ötən il dekabr ayının proqnozu 2,9%-lik artım vəd edirdi.

Bu səbəbdən, reytinq şirkəti Rusiya-Ukrayna münaqişəsinin təsirlərinə məruz qalması səbəbindən bütün MDB+ ölkələrinin (Azərbaycan, Ermənistan, Belarus, Gürcüstan, Qazaxıstan, Rusiya, Ukrayna və Özbəkistan) iqtisadi artım üzrə gözləntilərini endirib.

Belə ki, Ermənistanın artım üzrə proqnozu 5,3%-dən 1,3%-ə, Gürcustanın 5,8%-dən 3,2%-ə, Qazaxıstanın 4%-dən 3,4%-ə, Türkmənistanın 3,5%-dən 1,7%-ə, Özbəkistanın isə 5,8%-dən 3,1%-ə endirilib.
Agentliyin qərarına əsasən, Azərbaycan güclü tələbat, eləcə də yüksək qiymətlər mühitində artmış qaz ixracından faydalanacaq.

Bizim.Media